الى طلاب المرحله الرابعه ضروري الدخول السريع

**Admin**

اخواني المنتسبين طلاب المرحله الرابعه فقط
السلام عليكم ورحمة الله وبركاته
اخواني ان شاء الله سنقوم بعون الله تعالى بدورات مهنيه و برمجيه و للشبكات في نطاق القسم
ولكن
هذه الدورات تكون حالها حال اي محاضرات للاساتذه الكرام
وتكون من الطلاب الى الطلاب ( يعني احنه اللي نشرح واحنه اللي نسمع )
وستكون هذه الدورات مجانيه وهذه تعتبر نوع من النهضه بمستوى قسمنا العلمي لمواكبه التطور العلمي ولو بالمستوى الذي نستطيع ان نضعكم على اول الدرب
وستكون هذه الدورات مجانيه واكرر مجانيه والاشتراك مفتوح لطلبه المرحله الرابعه فقط ممن لهم الرغبه في الاشتراك
ونحن لدينا الكادر جاهز وعلى اتم الاستعداد للمباشره في مد يد المساعده لاخواننا في المرحله ونحن فقط ننتظر التسهيلات من القسم خلال تنسيق جدول محاضراتنا مع جدول محاضرات القسم
كل ما مطلوب منكم اخواني ان تعطونا رأيكم بهذه المبادره وارجو ان لا اكون مصدر ضغط او حمل زياده على دراستكم
اخوكم
حيدر رشيد

مدير الشبكه

**صائب نجم عبد**

الاخ العزيز حيدر بارك الله بيك على الجد والاهتمام بس اكو شي بسيط وعدنة كثير مهدور ومع الاسف ما دايريلة بال وهو الوقت .. فبرايي اذا تستقبل الاراء من خلال التعليقات راح تاخذ وقت واني شخصيا حجيت وية هواي من الطلاب ورايدين مثل هاي الدورة بشكل مو طبيعي .. فكل الي محتاجينة هو موافقة القسم ووضع اجندة للعمل حتى تبدي الدورة بعد الاتكال على الرب الجليل ..عذرا على الاطالة .. الاخ صائب البغدادي

**براء نضال ناصر**

[b]و الله يا حيدر بدون ما تاخذ راي الطلاب اشتغل و ابدي بالمحاضرات اليوم قبل باجر ... لانه تفيد كل الطلاب .. و اللي يريد يستفاد اهلا وسهلا و الما يريد على راحته بس المهم تكون يوم الخميس حتى يكون عدنه مجال كافي ... بحيث الصباحي و المسائي يدخلون .. و يا ريت لو اكو منهاج للدورة .. يعني الاسبوع الاول هيج موضوع و الاسبوع الثاني فلان موضوع و هكذا و نستمر بيهه الى نهاية السنة اذا الله خلانه طيبين و على سالفة الشرح شفت اخوية صائب عنده القابلية على شرح قواعد البيانات و اني كتلك على الهاردوير و الشبكات المبسطة و انت اكيد عندك معرفة جيدة بتصميم المواقع و الفايروسات و البرامج همين تكدر تفيدنا ... و اقتراحي تكون المحاضرة بقاعة الدراسات حتى نكدر نستعين بوسائل العرض المباشر و اكيد بعد موافقة رئاسة القسم الموقرة .... تحياتي [/b]

**Admin**

اخواني الاعزاء
ان شاء الله الموافقه قربت على التسليم و ندخل ضمن نطاق التنفيذ كلام سهل ولكن التنفيذ ان شاء الله يكون بتعاوننا يد بيد يصير عباره عن عمل يبيض وجهنا و ان شاء الله يدعولنا اللي راح يستفادون منها بكل الخير
اخواني اني حبيت افرحكم شويه حبيت اكول انه والحمد لله الواحد الاحد انني الاقي دعم قوي جدا من القسم كوننا دوره لها طموح ويسعون جاهدين و مشكورين لتوفير الجو المساعد لاعطاء هذه الدوره حقها وفائدتها القصوى للطلاب كافه

وردا على اخويه براء اذا تحبون انطيكم كورس كامل بالسيسكو والهاردوير الملحق بها وتصميم المواقع
اخواني اخر شي احب اكوله انه خللي نأسس الكادر التدريسي في الاول ولاحقا نعمل خطه للتدريس ولكن باشراف من رئاسة القسم والتسهيل من رب العالمين

شكرا جزيلا على جهودكم
حيدر رشيد
مدير الشبكه

**براء نضال ناصر**

و الله يا حيدر ني بالنسبة الي من ايدك هاي لايدك ذيج .. اللي اكدر عليه ما اقصر بيه ان شاء الله .. و هي على كولتك ما محصلين منها غير بس كلمة رحمة الله والديك و الذكر الطيب و هذا اطيب ما يكون على النفس خصوصا و بيه فائدة للكل ... ان شاء الله يصير خير .. بس سؤال حيدر .. شصار على شغلة مختبر الوندوز ؟؟؟؟؟؟؟؟؟؟ خوما صارت بين الارشيف ههههههههههه

**Admin**

اخويه العزيز براء ردا على استفسارك و تطبيقا للمثل اللي يكول لو صبر القاتل على القتيل ما كان قتله احب ابشرك بالمفاجأه اللي كنت ضامها الكم انه ان شاء الله حصلنا الموافقه على المقترح بس اكو اشكال بسيط لا استطيع الافصاح به ولكن اتوقع ان هذا الاشكال قد حل
اذا انحل الاشكال ستكون المحاضره القادمه في المختبر واذا لا ستكون على المحاضره التي بعدها في المختبر ان شاء الله
حيدر رشيد
مدير الشبكه

**صائب نجم عبد**

الاخوة الاعزاء ما ضل وقت والطلاب كلهم يردون هاي الدورة تبدي باسرع وقت وكل اسبوع يروح يعني محاضرة راحت فشنو رأيكم تبدي الدورة الخميس المقبل وهذا مو كلامي كلام طلاب حملوني امانة ان اكول الكم انو هم يردون الدورة تبدي بسرعة واذا يوم الخميس هواي افضل واذا ما عدكم وقت او لغيتو الموضوع فارجو الجواب حتى نعرف وجزاكم الله خير ..الأخ صائب البغدادي

**Admin**

ان شاء الله احنه مستمرين على آرائنا واحنه حريصين عليها بس اني هسه انتظر يخلصالتعمير وان شاء الله الخميس القادم نبداء بالمباشره