مقتـــــــــــــــــرح

السلام عليكم ورحمة الله وبركاته

بسم الله الرحمن الرحيم

كيف الحال للجميع للتدريسين جميعا وللطلاب جميعااااا

ياربي الكل بخير وعافية وياربي يحفظ الجميععندي مقترح لمادة الـ

{ Windows Programming }

وهو هل من الممكن أن نأخذ المحاضرة للدكتور رياض في داخل مختبر ويكون التدريس وطريقة التدريس داخل مختبر للحاسبات لكي تطبق البرامج التي نأخذها أثناء المحاضرة أو سابقها لكي نرى الأخطاء ويكون لكل طابل أو طالبين حاسبة تطبق عليها البرامج وحتى لو كان أربعة طلاب على الحاسبة الواحدة ولكن الأفضل أن يرى تنفيذ البرامج بصورة مباشرة وتكون في ضمن مناقشة مع الإستاذ الفاضل ,

وقـــد تكلمت مع بعض الطلبة من المسائي والصباحي فكان الرد هو الطلب منكم لتلبية هذا المقترح وهو ناجح بإذن الله

وهنالك شيئ أخر الإستفادة من التدريس داخل مختبر فيها أمرين مهمين وهو إنه محاضرة الإستاذ رياض هية ساعتين يعني وقت ليس بالقليل ونحن نأخذ ساعتين الأن فكيف أن نأخذها داخل المختبر وساعتين من الإستفادة المباشرة ونشكر سعة صدركم الواسعة

وياربي يكون هذا الموقع من المواقع التي تشار إليها بالعلم والمعرفة والتطور المستمر

أخوكم المخلص

و الله يا مصطفى مقترح في محلة .. لانه من صدك معاناه بمادة الوندوز مع العلم الاستاذ رياض مدا يقصر نهائيا .. الاستاذ واكف و يشرح الى نهاية المحاضرة .. بس هي المادة اصلا لازم تطبق على الكومبيوتر حتى يسهل فهمها .. يا ريت من رئاسة القسم الرد باسرع وقت ممكن قبل ان تبدا امتحانات نصف السنة ... تحياتي .

السلام عليكم

والله كلش خوووش فكره , لانه هوايه طلاب خطيه معانين بالماده بالرغم من انه هي اوبن بوك , ويرهمون يوم مثل ما رهمنا يوم لماده الاي تي و السوفت وير انه احنا ناخذ الصبح بالعشره وورانا الصباحي , مثلا يوم الاثنين الصبح او الثلاثاء ...يعني اعتقد انه اكيد اكو فد يوم او يومين المختبر بيه فارغ

تحياتي للكل و نرجوا من رئاسه القسم انه ينظرون لهذا الامر بسرعه لانه الوقت ضيق والمعاناه تزداد يوم ورا يوم بالرغم انه الاستاذ ابداً ما مقصر

تحياتي للجميع

بارك الله بيكم اخوان على هذا المقترح
وابشركم بخير ان شاء الله يوم غد انا ذاهب الى الجامعه تلبية لطلب رئيس القسم (بعد اطلاعه على المقترح ) لأجراء اجتماع لتداول هذه الفكره

بارك الله بيكم و يا رب الموفقية للجميع .

السلام عليكم الاخوة الاعزاء اني مستغرب هواي من المقترح مع العلم هو شي رهيب وجميل لان يصير الدرس عملي مية بالمية بس انتم ما تشوفون حالنة من ندخل للمختبرات يعني اكثر من مرة نوكف لان المكان ما يكفي واكثر من مرة سالت بالمختبرات ليش ما نفذ على الحاسبات؟ يكولون ما اكو كهرباء زين وتردون مختبر ثالث يعني بين هلالين يتغير مكان التدريس بس لان ما اكو كهرباء وما اكو تنفيذ .الاخ صائب البغدادي

اخويه صائب
اشكرك على نافذه الحوار التي تفتحها على طول

اخي الفاضل ... بشأن الاقتراح ان رئاسة القسم تعمل جاهده على توفير كل الخدمات والتسهيلات لنا كطلبه خصوصا مرحلتنا كوننا اخر مرحله ويجب ان نحقق على الاقل هدف من اهداف القسم الواجب تحقيقها في كل مرحله
ولا تنسى اخي العزيز ان دفعتنا كانت شبه دفعه تجريبه لان كانوا لنا اساتذه من الكادر نار على علم وقد تركوا وظائفهم بسبب اختلال الوضع الامني وانت تعلم بذلك لذلك ان رئاسه القسم يتعاطفون معنا كوننا المرحله التي شهدت تغييرا بالكادر التدريسي

وعلى مسألة الكهرباء هذه مسأله وقتيه فقط لان عمال الصيانه قد اضرت بالكابلات الرئيسيه للقسم
وعلى العموم هذه المشكله قد حلت بأذنه تعالى

وعلى مسألة المختبرات والعدد الفائض للطلاب فهذه مشكله حقيقيه ولكن بأجتماع رئاسة القسم مع المشرف على المختبرات تقرر ان تكون اتفاقيه بين الطلاب واساتذة المختبرات على ان تقسم المختبر مجموعتين ويقسم الوقت بينهما كأن تكون محاضره كامله للمجموعه الاولى والمجموعه الثانيه على الاسبوع الذي يليه
او يقسم الوقت بينهما بالتساوي هذا راجع الى الاتفاقيه بين الاساتذه و طلاب المرحله

مديـــر الشبـــكه

لا اخوية صائب .. ليش تكول هيج بدل ما تكول احنا مدنفتهم شديصير ...اني واحد من الطلبة عندي مادة البرولوك و مادة الوندوز ( مع العلم انه اوبن بوك ) بس مدا افتهمهن .. السبب مو تقصير من الاساتذة او التدريسيين .. بالعكس ... السبب ماكو تطبيق عملي .. لو اكو تطبيق جان الواحد يفتهمهن زين .. و اذا تكول ليش ما تطبقها بالبيت اكلك لسببين .. الاول ما اعرف شلون اتعامل وية البرنامج .. السبب الثاني وقتي محدود جدا بالبيت .. بسبب الكهرباء و مشاكلها ... صح اني وياك بانه مادة المختبر راح تكون اضافية .. بس يا ريت من رئاسة القسم ان يضعون درجة مختبر المادة ( اذا صار ان شاء الله ) بحيث تجمع مع درجة النظري ... لانه المادة ليست اساسية ... و انما مساعدة ... تحياتي للجميع .

أهلا وسهلا بيكم وبالجميع ومشكورين على الردود وإستقبال الفكرة وكلامكم صحيح ويا أخوية العزيز صائب إنته كلامك صحيح وموجود ولكن مثل ما كال أواب إنه أكو في أيام إنه تكون أحد المختبرات فارغة وغير مشغولة ومثل ما كال براء والكل يكولون التطبيق المباشر على الحاسبة وسؤال الإستاذ المختص لح نستفاد ونفهم بشكل أكثر وإستيعاب أفضل وياربي القسم ما يقصر ويانا وياربي نحن كطلاب ما نقصر ووية نفسنا بالأول ومع القسم بشكل عام ومع الأساذتذة بشكل خاصومنورين

السلام عليكم يا اخوة اختلاف الرأي لا يفسد بالود قضية . بس جانت فكرتي عن الوضع السابق واذا على كولتكم كهرباء موجودة ومكان يوسع الطلاب فمحلولة والله يبارك بالجميع واحنة شنريد غير الفائدة وكون نتعلم بارك الله بيكم ... الاخ صائب البغدادي